Ստեղծագործական կենսագրություն

 ՍՏԵՂԾԱԳՈՐԾԱԿԱՆ ԿԵՆՍԱԳՐՈՒԹՅՈՒՆ

    Մխիթար Մոս-Մուշեղյանը (անձնագրային անուն՝ Մուշեղ Մովսեսի Մխիթարյան) ծնվել է 1995 թվականի մարտի 27-ին, Հայաստանի մայրաքաղաք Երևանում: Պատանեկան տարիներից հետաքրքրվել է թատրոնով և գրականությամբ։  Այս շրջանում առաջին գրական քայլերն է արել դրամատուրգիայի ժանրում։ Երեք տասնյակից ավելի պիեսների հեղինակ է և ժամանակակից գրականության շուրջ 40  ժողովածուների համահեղինակ՝ ինչպես հայկական, այնպես էլ միջազգային:

     7 տարեկանում ընդունվել է թատերական ստուդիա։ 13 տարեկանում հիմնադրել և ղեկավարել է "Մխիթար Մոս-Մուշեղյան" թատերախումբը, որը հետագայում հիմք է դարձել Երևանի "Յանուս" արտիստական թատրոնի ստեղծման համար, որը ղեկավարել է մինչև 2015 թվականը:

     Որպես բեմադրող ռեժիսոր ստեղծել է երեք տասնյակից ավելի ներկայացումներ։  Մխիթար Մոս-Մուշեղյանի բեմադրած պիեսները ցուցադրվել են Երևանի թատերական բեմահարթակներում, Հայաստանի մարզերում, Արցախում և Վրաստանում: Խաղացել է մոտ քառասուն գլխավոր և էպիզոդիկ դերեր, հիմնականում դրամատիկ պլանի։  Եղել է "ԲԵՄ" միավորման գլխավոր ռեժիսորը, "Ունիվերսալ երիտասարդական" թատրոնի ղեկավարը, "Փարոս" իմպրովիզացիոն թատրոնի գեղարվեստական ղեկավարը։  Դասավանդել է Նիկոլ Գալանտերյանի անվան բեմարվեստի համալսարանում: Եղել է "Մոս" և "Սթար" մանկապատանեկան թատրոն-ստուդիաների ղեկավարը։  Մի քանի թատրոնների գեղարվեստական խորհուրդների անդամ է։ 

     Ներկայում Մխիթար Մոս-Մուշեղյանի կողմից գրվել են տասնյակ տարբեր հոդվածներ  ժամանակակից կյանքի, դրամատուրգիայի և գրականության խնդիրների մասին: Մխիթար Մոս-Մուշեղյանի նախաձեռնությամբ և խմբագրությամբ, Կալիֆորնիայի հայ գրողների միության աջակցությամբ լույս է տեսել "Ժամանակակից դրամատուրգիա" ժողովածուն (յոթ հատոր, Այս թվում Հայ դրամատուրգների միության կողմից հրատարակված "Արդի հայ դրամատուրգիա" գիրքը), Հյուսիսային Ամերիկայի գրողների միության աջակցությամբ լույս է տեսել ռուսալեզու "Ժամանակակից դրամատուրգիա" ժողովածուն, որտեղ ընդգրկված են 7 երկրների դրամատուրգների պիեսներ, հայ դրամատուրգների միության աջակցությամբ լույս է տեսել "ժամանակակից հայ դրամատուրգիա"ժողովածուն:  Նա խմբագրել է այնպիսի հայտնի հեղինակների գրքերը ․  ինչպիսիք են՝ Ռուբեն Մարուխյանը  ("Պիեսներ")  Գևորգ Սարգսյանը  ("Բեմի մարդիկ"), ("Ընտանեկան պատերազմներ"), ("Երիտասարդ կանանց կյանքից"), Բյուրեղիկ Մնեյանը  ("Պիեսներ մանուկների համար")․․․․․․: 

     Մուշեղ Մխիթարյանն ունի ինը հեղինակային գիրք, որոնցից երկուսը 2022 թվականին հրատարակվել են ռուսերեն: Վերջին Чтобы сохранить верность պատմական դրաման վերահրատարակվել է 2023 թվականին՝ Մոսկվայում։

Գրքեր

• "Երբ անցյալն է աղաղակում " — պատմական դրամաներ (Երևան 2019)

• "Խնամախոս" (Կատակերգություն) - պիես-Կատակերգություն (Երևան 2020)

* "Բաղրամյան" - պատմական դրամա (Երևան 2020)

* "Կալոդեն. Արյունոտ Շուշաններ". պատմական դրամա (Երևան 2021)

• "Ապրումներ" — բանաստեղծություններ (Երևան 2021)

• "Ճեղքելով դարը" — Պատմական դրամաներ (Երևան 2021)

• "Մահացե՞լ եմ, չե՛մ մահացել կամ Ծեր մարդու կերպարանափոխությունները". հոգեբանական դրամա ռուսերեն լեզվով (Երևան 2022)

• "Որպեսզի պահպանենք հավատարմությունը". պատմական դրամա ռուսերեն լեզվով (Երևան 2022)

* "Մենախոսություն երկրորդի համար" - բանաստեղծություններ (Երևան 2023)

    Իր ակտիվ հասարակական գործունեության համար Մխիթար Մոս-Մուշեղյանը միջազգային ակադեմիաների, Հայկական Սփյուռքի և բազմաթիվ այլ կազմակերպությունների կողմից արժանացել է մի քանի տասնյակ շնորհակալագրերի և պատվոգրերի:

     Պարգևատրվել է վեց մեդալով ՝ "Սայաթ-Նովա" մեդալ ՝ Հայ ազգային մշակույթի պահպանման համար, Տիգրան Մեծ մեդալ (Հայ. ՝  Տիգրան Մեծ) Հայաստանի ազգային բանակի 30-ամյակի առթիվ, "Սողոմոն Թեհլերյան" մեդալ, "Մարշալ Բաղրամյան" մեդալ, Կալիֆորնիայի հայ գրողների միության "Տիր"  և "երախտագիտություն" պատվո շքանշաններ:

    Մ. Մոս-Մուշեղյանը ընդգրկված է աշխարհի տարբեր երկրների բազմաթիվ ստեղծագործական գրական միություններում:  ԱՄՆ Հայ գրողների և լրագրողների միության անդամ է (2021), Կալիֆորնիայի հայ գրողների միության անդամ (2017), երգիծաբանների համահայկական միության անդամ (2021), հայ դրամատուրգների միության պատվավոր անդամ (2022), Հյուսիսային Ամերիկայի գրողների միության պատվավոր անդամ և հայկական բաժանմունքի ղեկավար (2022), Հայաստանի մշակույթի գործիչների միության պատվավոր անդամ (2022), միության վարչության անդամ, Միության Միջազգային համագործակցությամբ հարցերով հանձնաժողովի նախագահ (2023),  Ավստրալիայի ռուսական գրականության միջազգային ակադեմիայի թղթակից անդամ /Մարս-Ավստրալիա/, ք. Սիդնեյ (2022); "Մշակութային դիվանագիտություն" մրցանակի դափնեկիր (Ուկրաինա-2022), ԱՄՆ գրականության և արվեստի զարգացման միջազգային ակադեմիայի (Մարլի) ակադեմիկոս (2022), ռուս բանաստեղծների միության անդամ, "Տարվա լավագույն դրամատուրգ" Կալիֆորնիայի հայ գրողների միության մրցանակի դափնեկիր (2022), Ռուսաստանի գրականության Միջազգային Ակադեմիայի (Մարս-Ավստրալիա) Հայաստանի և Արցախի Հանրապետություններում միջազգային մրցութային կազմկոմիտեի նախագահ, Վլադիմիր Վիսոցկու հիշատակին նվիրված "Ես միայն մի փոքր կբացատրեմ հատվածում" գրական մրցույթի միջազգային ժյուրիի անդամ (ք.Նովոսիբիրսկ)։ Ժամանակակից մշակույթի միջազգային ակադեմիայի ակադեմիկոս է (Մոսկվա)։  2023 թվականի հունիսի 6-ից Ռուսաստանի գրողների միության անդամ է։

2022 թվականին Մոս-Մուշեղյանի նախաձեռնությամբ Հյուսիսային Ամերիկայի գրողների միության կողմից հաստատվեց Վիլյամ Սարոյանի անվան "իմ սիրտը լեռներում է" միջազգային գրական մրցույթը, որի նախագահ նշանակվեց ինքը, 2023 թվականին հրաժարվելով պաշտոնից։

 2023 թվականի հունիսի 7-ին ընտրվել է Հայ դրամատուրգների միության նախագահի պաշտոնում։